نتقل "مرسي" في حديثه مع محاميه الدكتور سليم العوا بإحدى غرف أكاديمية الشرطة - مقر محاكمته - والتي انفردت "الوطن" بنشر تسجل لهذا الحوار، إلى التعليق على ترقية السيسي وتعيينه مشيرًا، ويطلب بشغف معرفة ما يجري في مصر.
■ «مرسي»: قول لي أخبار الدنيا، ملخص سريع كده؟.
- «العوا»: الدنيا كويسة، لا بأس بها، الناس كلها مشغولة بالانتخابات الجديدة، الصور ملت الشوارع، والمظاهرات موجودة في كل المدن وكل القرى بالليل كل يوم، والمصادمات مبتتوقفش، لكن ده كله ملهوش نتيجة، نحن في عمل غير منتج، العمل المنتج حاجة تانية، العمل المنتج لازم الناس تقعد وتتكلم وتصل إلى حل، بدون الوصول إلى حل يا دكتور محمد مفيش فايدة، ويعني..
■ «مرسي»: ما فيش فايدة من الناحيتين؟
- «العوا»: من الناحيتين طبعا.
■ «مرسي»: مش كده ولا إيه؟
- «العوا»: مفيش فايدة من ناحيتين، مفيش فايدة بالنسبة لمصر الحقيقة، أنا مش هاممني مين ولا مين، أنا مش هاممني إخوان، ولا هاممني الفريق أول.. المشير السيسي دلوقتي مش هاممني، أنا هاممني البلد.. البلد بتضيع.
■ «مرسي»: وهو رقّى نفسه لمشير ليه دلوقتي؟
- «العوا»: لأ ده اللي رقاه المستشار عدلي منصور.
■ «مرسي»: لأ، بغض النظر.
- «العوا»: عشان يبقى خد آخر حاجة في العسكرية يعني.
■ «مرسي»: علشان لما يبقى رئيس ميبقاش فيه حد أقدم منه؟ ولا علشان ميبقاش أنا اللي عملته؟
- «العوا»: ومتبقاش أنت اللي عملته، ويبقى قائد أعلى بحق وحقيقي، دي كلها اعتبارات مهمة يعني.
■ «مرسي»: وهو عايز يبقى رئيس فعلا
- «العوا»: هيبقى إن شاء الله.
■ «مرسي»: مش خايف من الانقلاب؟
- «العوا»: لا ما خلاص هو هيبقى القائد الأعلى، هو حسني مبارك ساب الجيش، ولا الرئيس السادات الله يرحمه ساب الجيش (يضحك).
■ «مرسي»: هيعملوا عليه انقلاب؟
■ «مرسي»: ما هو اللي بيَنقلب بيُنقلب عليه، أنت مش فاكر؟
■ صوت رجل الشرطة يعود: يلا يا دكتور سليم.
- «العوا»: حاضر، ده الأصل، لكن مش دايما، ساعات ينقلب الأصل.
■ «مرسي»: طيب أنا هاشوفكم ولا لأ؟
- «العوا»: هنشوف الزيارة بقى.
تابعونا بعد قليل ننشر المزيد
الرئيسية 
