استاذ حمام:مرحبا بكم اعزائى المشاهدين فى جوله اخرى من برنامجكم نشرة الواحده بعد منتصف الليل وتتابعون فيها بعد الفاصل محليا مرسى لن اتنازل عن الكرسى وسأضرب الفلول ومن انتخبهم بالجزمه وشفيق سأسحق الاخوان واعيد الامن والفلول ودى اخر حلول وعربيا بشار الاسد يعلن ان مذبحة الحوله من صنع الارهابيين وليست من صنع نظامه ويعلن ان هذا الموقف جعله يعرف الرجال من الحكام العرب من انصاف الرجال ورياضيا سؤال الحلقه من هو النادى الذى يسيطر على الدورى كما كان يسيطر الحزب الوطنى على مصر سواء بتوفيق ربنا ثم مجهود لاعبيه اذا كانوا فى قمة حالتهم كما حدث منذ 2004الى2007 او عافيه وتحكيم واتفاقات مع لجنة الحكام كما حدث منذ عام 2008 حتى 2011
اعزائى المشاهدين مراسلنا بلابيعوا ابو العافيه تابع تطورات الحادث من كل مكان ووافانا بالاخبار ولكن بعد الفاصل
وبعد الفاصل...
بلابيعوا ابو العافيه :مساء الخير يا استاذ فراخ
حمام بغيظ:اسمى حمام بعدين قصدك صباح الخير وممكن تدخل فى المواضيع من فضلك
بلابيعو:حاضر يا استاذ ابوجناحين بس ايه ده يا عصافير يا اخويا
حمام:ايه فى ايه؟
بلابيعوا:انت مال وشك مصفر كده ليه وعينيك حمرا انت منمتش والا ايه؟
حمام بتنهد:اه يا بلابيعوا ما نمتش امبارح وكله بسبب المظاهرات
بلابيعوا:ليه ايه اللى حصل احكيلى
حمام:بقى انا امبارح يا سيدى كنت معدى من التحرير مروح عالبيت فلقيت فى مظاهره عاملها حزب اخوان لولوس واللى يشارك ويؤيد مرشحهم فى انتخابات الرئاسه هيدوله كيلو لحمه وازازة زيت وكيلو سكر و250 جنيه
بلابيعوا:وبعدين
حمام:لقيت مظاهره تانيه عاملها حزب ارجع يا فل عندك الحل واللى يشارك ويؤيد مرشحهم هيدوله 500 جنيه
بلابيعوا:عظيم وشاركت فى مين فيهم
حمام:لقيت مظاهره تالته بتهتف هتاف حلو اوى وتقول الزوج يريد تغيير المدام فقررت اشارك
بلابيعوا:عظيم وايه اللى حصل
حمام:كانت المدام بتاعتى بتشاهد المظاهره وشافتنى فيها
بلابيعوا:وعملت ايه معاك لما روحت
حمام:اه يا بلابيعوا يا اخويا تسمع عن الليله الحمرا و...ايه ده يا بلابيعوا احنا خرجنا عن موضوع النشره خالص والمخرج بيبص لى بغيظ وشكله كده هيمدنى او هيرفدنى
بلابيعوا:ولا يهمك يا كتاكيت يا اخويا ميقدرش يعمل كده لان دلوقتى فى ثوره
حمام:ايوا بس يقدر يخصم من المرتب
بلابيعوا برعب:لأكله الا كده
حمام:طب يالا ادخل فى النشره
بلابيعوا:والان اعزائى المشاهدين مرحبا بكم ونأسف لتلك المقاطعه البسيطه وفى اخبارنا المحليه مرسى يعلن انهلن يتنازل عن الكرسى وانه سيضرب الفلول ومن انتخبهم بالجزمه مع انه كان لابس شبشب زنوبه الغريب انه دائما ما يحضر مؤتمراته بذلك الشبشب واعلن ايضا انه لن يتنازل عن الكرسى ولتأكيد ذلك احضر كرسى فى احد مؤتمراته ووضعه امام الناخبين واخذ يغنى له ياللى اديت لحياتى ف حبك طعم ولون مش هتنازل عنك ابدا مهما يكون (مع الاعتذار لسميره سعيد)
هذا وقد اعلن شفيق انه لو امسك فانه سيعيد الامن والفلول ويسحق الاخوان الذين مثل الغول الذى يخيف الاطفال ولذلك من المتوقع ان يحصل على صوت الاطفال واعلن ان هذا اخر ماعنده من حلول
حمام:بلابيعوا من فضلك ادخل على الاخبار العربيه
بلابيعوا:ومن اخبارنا العربيه اعلن الرئيس السورى بشار الاسد انه وجنوده لم يقتلوا المدنيين فى الحوله وان من قتلهم هم الارهابيون وتسائل مستنكرا لماذا تكذبه امريكا والغرب ودول الخليج مع انهم يصدقون الاسرائليين جينما يقتلون الفلسطينيين يوميا ويدعون ان هذا بسبب حماس كما اعلن ان هذا الموقف جعله يعرف الرجال من انصاف الرجال من الحكام العرب مع ان ارضه محتله فى الجولان ولم يطلق حتى صاروخ من صواريخ رمضان على اسرائيل التى تحتل الجولان منذ اكثر من اربعين عاما
حمام:سيد بلابيعواخش على الاخبار الرياضيه لان وقتنا قرب ينتهى
بلابيعوا :ومن اخبارنا الرياضيه نعلن عن سؤال وهو من هو
النادى الذى يسيطر على الدورى كما كان يسيطر الحزب الوطنى على مصر سواء بتوفيق ربنا ثم مجهود لاعبيه اذا كانوا فى قمة حالتهم كما حدث منذ 2004الى2007 او عافيه وتحكيم واتفاقات مع لجنة الحكام كما حدث منذ عام 2008 حتى 20011؟وعلى من يعرف الاجابه الاتصال بنا على رقم زيرو زيرو زيرو اربع اصفار
حمام:اعتقد اننى اعرف اجابة هذا السؤال
بلابيعوا:وانا كمان اعتقد ان هو النادى الأهل...
حمام:برافوا عليك يا بلابيعوا تستحق الجايزه
بلابيعوا:اللى يستحق الجايزه مش انا انما هم مجدى عبد الغنى واعضاء اتحاد الكره بالاضافه لابوشنب علاء صادق
وكلانش.قلم على قفاه وصوت غليظ وله انت بتشتم الاهلى ياله طب قدامى
بلابيعوا:ايه يا عم انت انت مالك وبعدين انت مين
الرجل:انا اللى هعملك قضيه رياضيه بسبب اللى قلته عالاهلى
حمام:طب ممكن تسيبه يكمل النشره من فضلك
الرجل:هتسكت انت كمان والا اجيلك
حمام:انا مالى يا عم خده.عايز حاجه منى يا بلابيعوا
بلابيعوا:ايوا كلمولى برنامج 90 دقيقه والعاشره مساء
حمام :حاضر عايز حاجه تانيه
:بلابيعواباحباط:ايوا ابقوا هاتولى عيش وحلاوه وانتوا جايين تزورونى
تمت
والى اللقاء فى الحلقه الثانيهالتى اعدكم ان تكون مفاجأه
كل ما كتب على مسئوليتى الشخصيه
رقم الايداع 4695
يمنع الاقتباس او النشر ومن يخالف ذلك يعرض نفسه للمسائله القانونيه
محسن حمود سالم الهونى 01552684896
رقم الايداع 4695-2011
الرئيسية 
