سخر الإعلامي باسم يوسف، خلال تقديمه برنامج «البرنامج»، الذي يذاع على قناة «أم بي سي مصر»، مساء الجمعة، من موقف الأمير القطري تميم بن حمد خلال كلمته عن مصر، بالقمة العربية الأخيرة بالكويت، قائلا له «اسمها أبلة مصر واحترم نفسك ياض، بدل ما ألسعك في مستقبلك».
وقال «يوسف» تعليقاً على ردود فعل الإعلاميين على كلمة أمير قطر فى القمة العربية بالكويت: «أنا ماليش دعوة برد فعل الإعلاميين، دول ميعرفوش يردوا، أن الأسد فقط (الرئيس عدلى منصور) هو من وقف لهم في القمة، وشرفنا».
وأضاف: «انتوا ليه زعلانين من قناة الجزيرة عشان بيتكلموا عن الحرية والديمقراطية وإيه يعني .. طب شوفتوا الديمقراطية اللي في قطر، ولا عشان يعني بيتكلموا عن التدخل الأمريكي في الدول التانية، ليهم حق ما أمريكا معرفتش تبني عندهم إلا قاعدتين تلاتة بالكتير».
وتابع: «علشان مش عاجبهم اللي حصل في مصر بيسموه انقلاب، عندهم حق ما هو محصلش في تاريخهم أي انقلاب إلا اللي حصل سنة 60 وسنة و72 و 95 والأخراني ده كان (سوفت كور) مش انقلاب بلد لطيفة واحد بينقلب على أبوه وأبوه بينقلب على اللي خلفوه، زعلانين منهم ليه .. عشان لامين الإخوان عندهم وفي قناة موارهمش حاجة بيقعدوا يشتموا في مصر ليل نهار مفيهاش حاجة ناس مضيافين عادي وزي ما الإخوان خربوا مصر قدمهم زي الفل على قطر».
الرئيسية 
