كان فرقعه منهمكا فى تجربه من احد تجاربه فى معمله الصغير فى بيته(معمل فرقعه فى غرفته)والتى غالبا ما كانت تنتهى بكارثه وعلقه محترمه له من والديه
وفجاه رن جرس الباب
فرقعه مين اللى عالباب؟
ام خيرى افتح يا فرقعه يابنى انا ام خيرى جارتك
فرقعه يذهب لفتح الباب وبعد ان فتحه
مساء الخير يا خاله ام خيرى أى خدمه؟
أم خيري مساء الخير يا فرقعه يابنى ممكن اطلب منك طلب
فرقعه أأمرينى يا خاله ام خيرى
ام خيرى التكييف يا فرقعه يابنى عطلان والدنيا حر وانا سامعه انك ليك خبره فى تصليح الأجهزه دى فمكن تيجى معايا وتصلحه
فرقعه مزهوا بس كده ده شىء بسيط خالص من عينى يا خاله ام خيرى هغير هدومى وأجى هوا
وبعد تغيير ملابسه والصعود معها لشقتها
أم خيرى اتفضل يا فرقعه يابنى أهوا التكييف
فرقعه سيبيهولى واتطمنى وانا هخليهولك تمام بعد عشر دقائق فقط
أم خيرى الله يكرمك يا فرقعه يابنى اروح اعملك الشاى
وبعد مرور عشر دقائق وبعدما احضرت ام خيرى الشاى
فرقعه تقدرى تضغطى زر التشغيل دلوقتى يا خاله
ام خيرى
فتضغط ام خيرى زر التشغيل فيعمل التكييف
أم خيرى الله ينور عليك يا فرقعه يا...
وفجأه ظهرت نار بالتكييف
أم خيرى مذهوله إيه ده يا فرقعه يابنى إنت عملت ايه؟
فرقعه مزهوا إيه رأيك بقى فى المفاجأه دى خليتهولك تكييف وبوتاجاز فى وقت واحد
ام خيرى صارخه بوتاجااااز.. بوتاجاز إيه الله يخرب بيتك يا بعيد الراجل هيطلقنى
ثم سحبت ىالمنفضه وهوت بها على راس فرقعه الذى صرخ ااى أاااى بتعملى ايه يا وليه انتى بتضربى دماغ العبقريه كلها
أم خيرى انت لسه شوفت حاجه يا بعيد خد دى كمان
والقت بكوب الشاى الساخن على رأسه
فرقعه صارخا أااااااااح أوووووووه الحقووووونى الحقووووووونى
وحاليا يرقد فرقعه فى المستشفى قسم الكسور والحروق ويرجوا من اصدقائه ان يدعوا له بالشفاء ليعود بمغامره جديده كما عودنا
والى مغامره اخرى من مغامرات فرقعه
الرئيسية 
