فلحوص افندى وزكى منه فيه( الحلقه الثانيه)

لحوص افندى:نويت تنتخب مين يا زكى
زكى منه فيه:مرسى
فلحوص افندى:ايه انت ناسى ان الاخوان دول جماعه ميهمهاش الا مصلحتها ومصلحة المرشد كما ان رئيسها بياخد اوامر من الشاطر والمرشد
زكى منه فيه:بردوا مرسى
فلحوص افندى:اناعارف انك بتكره النظام السابق وان شفيق انتاج ليهم لكن دلوقتى بقى فى اليات مراقبه مبقتش زى الاول
زكى منه فيه:بردوامرسى
فلحوص افندى:يا عم ما انت شايف الاخوان ميقلوش عن بتوع فلول الوطنى فى الكدب والتزوير والرشاوى فى الانتخابات يعنى ماشيين بمبدأ الغايه تبرر الوسيله والادهى انهم بيكفرو اللى بيعترضهم
زكى منه فيه:بردوا مرسى
فلحوص افندى:ايه يا زكى كل ما اكلمك مرسى مرسى مرسى هو عملك عمل والا ايه
زكى منه فيه:لأ بس انا خايف
فلحوص افندى:خايف من ايه الفلول تانى ما احنا قلنا دلوقتى بقى فيه محاسبه
زكى منه فيه :لأ انا مش خايف من كده
فلحوص بدهشه:امال خايف من ايه؟
زكى منه فيه:خايف مرسى ميدينيش الزيت والسكر لو منتحبتوش