فلحوص افندى وزكى منه فيه الحلقه الاولى

فلحوص افندى:هو نظام مبارك ده ولومؤاخذه كان عباره عن عصابه
زكى منه فيه:انت ليه بتقول كده
فلحوص افندى:اصل العمليه فيها مليارات من فوق الترابيزه ومليارات من تحت ونهب بالعبط
زكى منه فيه:ووضع عمنا مبارك كان ايه
فلحوص افندى:على رأى الشباب قشطه كان عايش ولا كانه قارون الرشيد اقصد هارون الرشيد ومتبت فى الكرسى بايديه وسنانه لاخر لحظه حتى والشعب بيخلعه
زكى منه فيه :بس البلد فىى عهده كان ليها قوانين
فلحوص افندى:قوانين لومؤاخذه بتمشى على ناس ومتقدرش تقرب تقرب من ناس
زكى منه فيه:يااه كل ده الحمد لله انه غار
فلحوص افندى:هأهأهأهأهأهأ
زكى منه فيه:بتضحك على ايه هو انا قلت نكته
فلحوص افندى:وأى نكته
زكى منه فيه:انت قصدك ايه
فلحوص افندى:لان صحيح مبارك وقع لكن الحزب لسه قياداته موجوده وفلوسه فى البنوك واراضيه فى الصحرا
زكى منه فيه :يعنى ايه
فلحوص افندى:يعنى رحل المايسترو وبقيت الفرقه الموسيقيه